Според британски весник, најголемиот успех на Стив Џобс е таблет компјутерот iPad кој „ја продолжува иновацијата на iPhone-от за поразновиден екран и лесни апликации дизајнирани за специфични задачи, и покажува кон иднината по компјутерското глувче и свет без Windows. Продажбите на поефтините ноутбук компјутер веќе патат.“
„iPad-от e кулминација на пристапот кој што тој го усовршуваше во текот на својата цела кариера.“
Покрај успешното промовирање и над 5 милиони продажби на iPad-от, Apple оваа година го претстави и iPhone 4, кој имаше свои проблеми со лошата антена. Но и покрај тие проблеми, сепак Apple во 2010 година стана највлијателната и највредна ИТ компанија, конечно надминувајќи го Microsoft.
Директорот на Apple се приклучи на листата на „највлијателните личности во 2010“ на која се наоѓа основачот на Facebook, Марк Закерберг, кој е прогласен како личност на годината од Time магазинот, и хакерот и основач на Wikileaks, Џулијан Асанж кој беше прогласен како личност на годината од публиката на Time. Ова покажува дека ИТ-то дефинитивно станува еден од највлијателните делови од секојдневието.